Ushtarët e Ekipit të Bashkëpunimit Civilo-Ushtarak (CIMIC) të KFOR-it, nën komandën rajonale Perëndim të NATO-s, kanë dhuruar pajisje zjarrfikëse dhe shpëtimi për stacionin e zjarrfikësve në Komunën e Junikut. Ky donacion ka për qëllim forcimin e kapaciteteve operacionale të njësisë zjarrfikëse dhe përmirësimin e reagimit ndaj emergjencave të zjarrit dhe rasteve të tjera shpëtimi në zonë. KFOR-i thekson se këto iniciativa janë pjesë e angazhimit të vazhdueshëm për bashkëpunim me partnerët vendorë, duke synuar garantimin e një ambienti të sigurt për qytetarët e Kosovës. Përmes këtij bashkëpunimi, KFOR-i dëshmon transparencë dhe paanshmëri në mbështetjen e institucioneve lokale për përmirësimin e sigurisë publike.