KFOR-i ka dhuruar pajisje të reja për Shërbimin e Zjarrfikësve të Kaçanikut, në kuadër të bashkëpunimit dhe mbështetjes së vazhdueshme ndaj institucioneve lokale. Komuna e Kaçanikut thekson se këto pajisje do të forcojnë kapacitetet e zjarrfikësve dhe do të rrisin sigurinë për qytetarët. Në ceremoninë e dorëzimit mori pjesë nënkryetari i Komunës, Xhelal Dema, i cili shprehu mirënjohje për KFOR-in për besimin dhe përkrahjen e vazhdueshme. Sipas komunës, pajisjet e reja do të ndikojnë në rritjen e gatishmërisë për reagim në raste emergjente dhe në mbrojtjen e qytetarëve dhe pronës.