Qendra Kombëtare për Menaxhim Kufitar ka raportuar fluks të lartë në disa pika kufitare, me kolonën më të gjatë prej 600 metrash në hyrje të Dheu i Bardhë, ku pritjet arrijnë deri në 40 minuta. Në këtë pikë, edhe në dalje ka pritje, me kolonë prej 100 metrash dhe 15 minuta vonesë. Pika e Jarinjës është gjithashtu e ngarkuar në dalje, me 200 metra kolonë dhe pritje deri në 20 minuta, ndërsa Han i Elezit ka pritje më të shkurtra prej 10 minutash në hyrje dhe dalje. Në dalje të Merdarit, pritjet arrijnë deri në 40 minuta, por gjatësia e kolonës nuk është raportuar, ndërsa pikat e tjera kufitare janë relativisht të qeta.