Trafiku në rrugët kryesore drejt bregdetit të Kroacisë është rënduar ndjeshëm, duke krijuar kolona të gjata dhe pritje të zgjatura. Një aksident në autostradën A1 mes Draganiq dhe Karlovac ka shkaktuar bllokime që në kulm arritën deri në 25 kilometra, ndërsa trafiku i dendur është evident edhe në rrugën shtetërore DC1 dhe në zona të tjera si Knin-Gračac. Në autostradat A2, A3 dhe A4 janë raportuar kolona dhe bllokime të shumta, ndërsa në pikën kufitare mes Kroacisë dhe Malit të Zi pritjet janë të gjata për shkak të fluksit të madh të turistëve. Autoritetet u bëjnë thirrje shoferëve dhe udhëtarëve të planifikojnë udhëtimin me kujdes dhe të ndjekin informacionet e fundit për gjendjen e trafikut.