Mijëra mërgimtarë, kryesisht nga Kosova, po përballen me pritje të gjata deri në 10 deri në 28 orë në pikën kufitare mes Malit të Zi dhe Kroacisë, ku kolonat arrijnë deri në 20 kilometra. Kjo situatë ka shkaktuar paralizë të trafikut dhe vështirësi të mëdha për banorët lokalë të rajonit të Konavles, të cilët përballen me bllokime edhe për aktivitetet e tyre të përditshme. Për shkak të temperaturave të larta dhe mungesës së ujit dhe kushteve higjienike, vendasit po ofrojnë ndihmë duke u dhënë ujë dhe duke lejuar përdorimin e tualeteve të shtëpive të tyre për udhëtarët e bllokuar. Autoritetet lokale kanë kërkuar masa urgjente për organizimin më të mirë të trafikut, ndërsa udhëtarëve u rekomandohet të përdorin alternativa si rrugët përmes Bosnjë-Hercegovinës ose udhëtimin me traget nga Durrësi drejt Italisë.