Komandanti i Njësisë Shumëkombëshe të Specializuar (MSU) të KFOR-it, kolonel Gianfranco Di Fiore, ka vizituar pjesëtarët e njësisë së vendosur mbi Urën e Ibrit, duke vlerësuar angazhimin dhe gatishmërinë e tyre. Ai theksoi se, megjithëse pozicionimi i njësisë mund të ndryshojë, përkushtimi dhe përgjegjësitë e tyre mbeten të pandryshuara. MSU vazhdon të mbështesë sigurinë dhe ruajtjen e qetësisë në Kosovë, duke kontribuar në stabilitetin e rajonit. Vizita e komandantit shërbeu për të monitoruar situatën në terren dhe për të forcuar mbështetjen ndaj pjesëtarëve në përmbushjen e detyrave të tyre.