Një Komision Anketues do të hetojë incidentin ku u përfshi ministri i Vetëqeverisjes Lokale, Ivan Stoillkoviq, gjatë rikonstruimit të Qeverisë dhe emërimit të tij në funksionin e ri. Iniciativa është nisur nga BDI-ja dhe ka mbështetjen e opozitës LSDM, e cila paralajmëron edhe interpelancë për sjelljen e ministrit. Një çështje kyçe mbetet refuzimi për të dhënë qasje në incizimet nga kamerat e Kuvendit jashtë sallës, gjë që ka ngjallur debate për transparencën e hetimit. Stoillkoviq mohon të ketë ofenduar deputeten Arbana Pasholli, duke e quajtur incidentin një shpikje, ndërsa partitë kërkojnë zbardhjen e plotë të ngjarjes për të mos përsëritur raste të tilla në të ardhmen.