Komuna e Mitrovicës, në shënim të Ditës Ndërkombëtare për Ndërgjegjësim ndaj Autizmit, ka ndarë nga 50 euro për çdo fëmijë autik. Kryetari i komunës, Faton Peci, ka theksuar se ky është një demonstrim i vullnetit të mirë dhe përkujdesit institucional ndaj kësaj kategorie. Ai ka premtuar se mbështetja do të vazhdojë edhe në forma të tjera dhe se angazhimet do të jenë gjithëpërfshirëse për të përmirësuar pozitën dhe cilësinë e shërbimeve për fëmijët autikë. Peci ka nënvizuar rëndësinë e një shoqërie që kujdeset për të gjitha kategoritë e saj.