Komuna e Prishtinës, përmes Drejtorisë së Inspektoratit, ka nisur një aksion për heqjen e reklamave të vendosura pa leje në hapësirat publike, duke përfshirë sipërfaqet e gjelbëruara, trotuaret dhe shtyllat elektrike. Qëllimi i këtij aksioni është lirimi i hapësirave publike dhe sigurimi i lëvizjes më të lirë dhe më të sigurt për këmbësorët. Komuna ka bërë thirrje për qytetarët dhe bizneset që të respektojnë rregullat dhe të mos vendosin reklama pa leje, ndërsa për ata që rivendosin reklama pa leje do të shqiptohen gjoba. Aksioni do të vazhdojë deri në largimin e të gjitha reklamave ilegale, me synimin përmirësimin e pamjes së qytetit dhe krijimin e një mjedisi më të organizuar dhe të sigurt për të gjithë qytetarët.