Lidhja Socialdemokrate e Maqedonisë (LSDM) mbajti sot në Shkup Kongresin e 32-të partiak, ku fokusi kryesor ishte finalizimi dhe miratimi i platformës së re ideologjike dhe kornizës programore të partisë. Ky kongres do të përcaktojë drejtimet dhe prioritetet politike të LSDM-së për periudhën e ardhshme. Ngjarja u zhvillua në dy faza: një pjesë e hapur me fjalën e kryetarit Venko Filipçe dhe një seancë të mbyllur ku delegatët u ndanë në grupe për të shqyrtuar dhe përpunuar dokumentet programore. Në fund, dokumentet e përgatitura do të dorëzohen për miratim në versionin përfundimtar, duke shënuar një hap të rëndësishëm në strategjinë e partisë.