Dy kongresistë amerikanë, Keith Self dhe Suhas Subramanyam, zhvilluan takime të ndara në Prishtinë me përfaqësues të Lëvizjes Studentore shqiptare dhe liderë të opozitës shqiptare në Maqedoninë e Veriut. Në fokus të diskutimeve ishin shqetësimet për cenimin e të drejtave të shqiptarëve dhe përpjekjet për rrënimin e frymës së Marrëveshjes së Ohrit, si dhe moszbatimi i Ligjit për përdorimin e gjuhëve. Studentët dhe opozita paralajmëruan për kthim prapa në të drejtat e fituara dhe rrezikun për parimet e barazisë dhe bashkëjetesës në vend. Kongresistët amerikanë kanë vizituar më parë Preshevën dhe janë takuar me krerët më të lartë të Kosovës, duke vazhduar mbështetjen e tyre për kauzat shqiptare në rajon.