Liderët shqiptarë të Luginës së Preshevës, përfshirë kryetaren e Preshevës Ardita Sinani, kryetarin e Bujanocit Arbër Pajaziti dhe deputetin Shaip Kamberi, kanë zhvilluar një takim në Tiranë me ministrin për Evropën dhe Punët e Jashtme të Shqipërisë, Ferit Hoxha. Në fokus të bisedimeve ishte kërkesa për hapjen e një Konsullate të Republikës së Shqipërisë në Bujanoc, një nevojë e theksuar prej kohësh për të forcuar lidhjet institucionale dhe për të mundësuar komunikim më të drejtpërdrejtë me shqiptarët në këtë rajon.