Ministri i Mbrojtjes i Bosnje e Hercegovinës, Zukan Helez, ka akuzuar presidentin serb Aleksandar Vuçiq për shkelje të procedurave të sigurisë gjatë vizitës së tij në Bosnje, duke pretenduar se në vend u futën persona të armatosur jashtë listës zyrtare të sigurisë. Njësia Speciale e Policisë së Kantonit të Bosnjës Qendrore ndërhyri pas njoftimeve nga qytetarët për praninë e një grupi të armatosur pranë Bugojnës, të cilët dyshohet se larguan në zonat pyjore kur u afruan policët. Helez theksoi se asnjë zyrtar i huaj nuk ka të drejtë të sjellë grupe të armatosura pa leje dhe se të gjithë përgjegjësit e sigurisë duhet të jenë të regjistruar pranë institucioneve vendore. Ai kërkoi respektimin e ligjeve dhe institucioneve të Bosnje e Hercegovinës nga Vuçiq dhe delegacioni i tij, duke vlerësuar ndërkohë reagimin e policisë si dëshmi të funksionimit të institucioneve në vend.