Ministri në detyrë i Mbrojtjes, Ejup Maqedonci, priti në takim studentë master nga programi i Shkencave Ndërkombëtare dhe Krahasuese në ETH Zurich, të cilët vizituan Kosovën gjatë aktiviteteve përkujtimore të 148-vjetorit të Lidhjes Shqiptare të Prizrenit. Gjatë takimit u diskutua për zhvillimin e Kosovës në fushën e sigurisë dhe mbrojtjes, duke përfshirë historikun e luftës së UÇK-së, tranzicionin e FSK-së, si dhe ndikimin e teknologjive të reja dhe inteligjencës artificiale në sigurinë kombëtare. Ministri Maqedonci theksoi gjithashtu sfidat rajonale dhe globale, bashkëpunimin me NATO-n dhe rrugën e Kosovës drejt integrimeve euroatlantike. Ai falënderoi studentët për interesimin dhe diskutimin konstruktiv, duke vënë në dukje rëndësinë e këtyre shkëmbimeve akademike për njohjen e rolit të Kosovës në arkitekturën e sigurisë evropiane.