Kosova është renditur e fundit në Ballkanin Perëndimor sa i përket procesit të integrimit në Bashkimin Evropian, sipas një raporti të Institutit të Kosovës për Drejtësi (IKD). Drejtori ekzekutiv i IKD-së, Ehat Miftaraj, theksoi se megjithëse Kosova organizon zgjedhje të lira dhe demokratike që pranohet nga partnerët ndërkombëtarë, mungon vullneti politik për të krijuar institucione funksionale që do të kishin prioritet integrimin evropian. Në tryezën rajonale u diskutua gjithashtu se për të qenë një shtet i suksesshëm në procesin e anëtarësimit, duhet të ketë kontroll të mirë të financave dhe kapacitete të forta institucionale, siç theksuan drejtues nga Shqipëria dhe Maqedonia e Veriut. Sipas tyre, sfidat rajonale kërkojnë bashkëpunim dhe ndërtim të kapaciteteve për të përmbushur standardet e BE-së, ndërsa mungesa e vullnetit politik dhe probleme të tjera institucionale mbeten pengesa kryesore për Kosovën.