Një delegacion i Republikës së Kosovës, i udhëhequr nga Bahri Hyseni dhe përbërë nga përfaqësues të institucioneve ligjzbatuese dhe agjencive relevante, mori pjesë në aktivitete rajonale në Neum, Bosnjë dhe Hercegovinë, gjatë periudhës 23-26 mars 2026. Gjatë qëndrimit, delegacioni mori pjesë në ceremoninë e prezantimit të Strategjisë për konfiskimin e përfitimeve pasurore 2025–2031, ku u theksua rëndësia e bashkëpunimit ndërinstitucional dhe rajonal në luftën kundër krimit të organizuar dhe korrupsionit. Ata zhvilluan gjithashtu takime pune me përfaqësues të FAZUOI-t dhe Agjencisë për Administrimin e Pasurisë së Sekuestruar dhe të Konfiskuar, ku u ndanë praktikat më të mira për menaxhimin e pasurisë së konfiskuar dhe përdorimin e sistemeve digjitale. Pjesëmarrja në këto aktivitete përbën një hap të rëndësishëm drejt avancimit të bashkëpunimit ndërkombëtar dhe forcimit të mekanizmave për luftimin e ekonomisë ilegale, me qëllim rritjen e efikasitetit në identifikimin, sekuestrimin dhe konfiskimin e pasurisë së paligjshme në Kosovë dhe rajon.