Gazi po shndërrohet në elementin kyç të tranzicionit energjetik në Ballkanin Perëndimor, ku Shtetet e Bashkuara po promovojnë projekte infrastrukturore që lidhin Shqipërinë me Bosnje e Hercegovinën. Në këtë hartë të re energjetike, Kosova nuk ka një rol të përcaktuar dhe mbetet e varur nga qymyri, duke mos përfituar nga mundësitë e reja që ofron gazi natyror. Ekspertët theksojnë se mungesa e një drejtimi politik të qartë ka bërë që vendi të ngecë dhe të mbetet jashtë këtij procesi transformues. Megjithatë, ata nuk e konsiderojnë të humbur përfundimisht mundësinë e përfshirjes së Kosovës në këtë arkitekturë të re energjetike.