Ministria e Punëve të Jashtme dhe Diasporës e Kosovës ka realizuar një operacion humanitar për riatdhesimin e shtetasve të Bosnjë dhe Hercegovinës nga Riadi në Prishtinë. Ky veprim u krye me kërkesë të Ministrisë së Punëve të Jashtme të Bosnjë dhe Hercegovinës dhe në kuadër të bashkëpunimit rajonal dhe diplomatik për ndihmën ndaj qytetarëve në nevojë. Një rol kyç në koordinimin e këtij procesi pati Ambasada e Kosovës në Zagreb, e cila bashkëpunoi ngushtë me institucionet dhe përfaqësitë diplomatike për të siguruar kthimin e sigurt dhe të organizuar të udhëtarëve. Ministria thekson se ky riatdhesim është një shembull i bashkëpunimit ndërmjet shteteve dhe koordinimit diplomatik për zgjidhjen e çështjeve humanitare dhe konsullore me rëndësi rajonale.