Viti 2025 shënoi një rekord historik në Bavari për dhënien e shtetësisë gjermane, me rreth 60 mijë persona që u bënë shtetas gjermanë. Ndër komunitetet më të përfaqësuara janë kosovarët, të cilët morën rreth 4100 shtetësi, duke e renditur Kosovën në vendin e tretë pas Turqisë dhe Sirisë. Ministri i Brendshëm i Bavarisë, Joachim Herrmann, e ka vlerësuar këtë si një sinjal pozitiv të integrimit, por ka propozuar ashpërsimin e rregullave duke rritur periudhën minimale të qëndrimit nga pesë në tetë vjet. Për të marrë shtetësinë, aplikantët duhet të plotësojnë disa kritere, përfshirë njohjen e gjuhës gjermane, pavarësinë financiare dhe mungesën e precedentëve penalë.