Kryetari i Gjykatës Kushtetuese, Darko Kostadinovski, mohon kategorikisht lajmet se ligji për përdorimin e gjuhës shqipe do të shfuqizohet, duke theksuar se qëllimi është vetëm ta bëjë ligjin më të qartë dhe kushtetues. Ai denoncon presionet politike ndaj Gjykatës dhe manipulimet me dezinformata që synojnë të minojnë besimin në institucionet e drejtësisë. Kostadinovski shpjegon se mungesa e kuorumit dhe ngjarjet e papritura, si tragjedia në Koçan dhe anulimi i mandatit të një gjyqtareje, kanë vonuar shqyrtimin e ligjit, ndërsa thekson se Gjykata po kryen punën e saj me përgjegjësi dhe pa kompromis. Ai paralajmëron nisjen e një projekti kundër lajmeve të rreme dhe i bën thirrje publikut të mos bie pre e manipulimeve politike që synojnë të dobësojnë shtetin ligjor.