Bashkimi Demokratik për Integrim (BDI) ka kërkuar dorëheqjen e menjëhershme të kryetarit të Komunës së Tetovës, Bilall Kasamit, duke refuzuar idenë e shpërbërjes së Këshillit Komunal. Sipas BDI-së, Kasami ka treguar paaftësi politike dhe institucionale në zgjidhjen e problemeve të qytetit dhe po përpiqet të fshehë dështimet e tij me propozime për zgjedhje të reja. Partia akuzon kryetarin se nuk ka guxim politik për të mbrojtur interesat e qytetarëve dhe se pret leje nga partnerët e tij qeveritarë për të marrë vendime të rëndësishme. BDI kërkon që nëse Kasami dëshiron zgjedhje, të japë dorëheqjen dhe të përballet drejtpërdrejt me qytetarët, pa sakrifikuar Këshillin Komunal të Tetovës.