Kroacia ka dërguar 133 ushtarë të rinj në Kosovë si pjesë e Kontingjentit të 45-të Kroat në misionin paqeruajtës të NATO-s, KFOR. Ceremonia e nisjes u zhvillua në kazermat “Kolonel Predrag Matanoviq” në Petrinjë, ku morën pjesë zyrtarë të lartë, përfshirë ministrin e Mbrojtjes Ivan Anushiç dhe komandantin brigadier Marijan Grđan. Ministri Anushiç vlerësoi lart profesionalizmin e ushtarëve kroatë dhe kontributin e tyre të vazhdueshëm në misionet paqeruajtëse, duke theksuar respektin që kanë fituar brenda NATO-s. Ky angazhim përfaqëson vazhdimësinë e përkushtimit të Kroacisë ndaj stabilitetit në rajon, duke u mbështetur në përvojën historike dhe konsolidimin e forcave të saj të armatosura.