Presidenti serb Aleksandar Vuçiç ka shprehur shqetësime lidhur me marrëveshjen e sigurisë mes Kroacisë, Shqipërisë dhe Kosovës, duke e interpretuar atë si një kërcënim ushtarak. Megjithatë, Ministria kroate e Mbrojtjes ka kundërshtuar këto pretendime, duke theksuar se marrëveshja është një kornizë bashkëpunimi teknik dhe koordinimi për stabilitet rajonal, pa përfshirje në aktivitete luftarake. Kroacia ka kujtuar gjithashtu paktin më të gjerë të vitit 2010 me Serbinë, që Vuçiç nuk e përmend, dhe ka nënvizuar përkushtimin e saj ndaj bashkëpunimit transparent rajonal dhe integrimit europian të Shqipërisë dhe Kosovës. Paralajmërimet e Vuçiq për armatosje të mëtejshme të Serbisë nuk shqetësojnë Kroacinë, ndërsa NATO ka kërkuar nga Serbia të veprojë me përgjegjësi ndaj fqinjëve dhe aleancës.