Sipas të dhënave të Eurostat për vitin 2025 dhe 2022, Shqipëria dhe Kosova janë ndër vendet europiane me raportin më të balancuar mes gjinive, me rreth 102.2 dhe 103.8 gra për çdo 100 burra. Kjo është më e ulët se mesatarja e Bashkimit Europian prej 104.2 grash për 100 burra, ku gratë janë përgjithësisht më të shumta për shkak të jetëgjatësisë më të madhe dhe normave më të larta të vdekshmërisë së meshkujve. Në rajon, Maqedonia e Veriut ka raportin më të ulët me 101.9 gra për 100 burra, ndërsa vendet baltike si Letonia, Estonia dhe Lituania shfaqin diferenca shumë më të mëdha, me mbi 110 gra për 100 burra. Nga 41 shtete europiane, vetëm gjashtë kanë më shumë burra se gra, për shkak të strukturës më të re të popullsisë dhe migracionit që favorizon meshkujt, ndër to Malta, Islanda dhe Norvegjia.