Më 27 gusht shënohet 28-vjetori i rënies së komandantit të UÇK-së, Ismet H. Rrahmani, i njohur si Hero Legjendar. Me këtë rast, në orën 10:00 do të zhvillohen homazhe te varri i tij në Varrezat e Dëshmorëve në Aqarevë, pranë shkollës që mban emrin e tij. Gjatë gjithë ditës, Kulla e Ismet Rrahmanit do të jetë e hapur për familjarë, bashkëluftëtarë, miq dhe qytetarë që dëshirojnë të nderojnë kujtimin dhe kontributin e tij në luftën për çlirimin e Kosovës. Familjarët dhe bashkëluftëtarët kanë ftuar të gjithë qytetarët të bashkohen në këtë përkujtim solemn për të nderuar veprën e tij.