Në Kosovë u organizua ceremonia përkujtimore për viktimat e gjenocidit të Srebrenicës, me thirrje për ruajtjen e së vërtetës historike dhe drejtësi për viktimat. Ish-nënkryetarja e Kuvendit, Emilja Rexhepi, theksoi se gjenocidi ishte një krim i planifikuar dhe i organizuar nga forcat serbe, ndërsa mohimi i tij vazhdon edhe pas tri dekadash. Ushtruesja e detyrës së presidentes, Albulena Haxhiu, dhe kryeministri në detyrë, Albin Kurti, nënvizuan se pa të vërtetën nuk mund të ketë drejtësi e paqe, dhe se mohimi i gjenocidit rrezikon stabilitetin dhe demokracinë në rajon. Në ceremoni morën pjesë edhe përfaqësues nga Bosnja e Hercegovina dhe Serbia, të cilët theksuan rëndësinë e kujtesës dhe nevojën për të ndalur mohimin dhe glorifikimin e kriminelëve të luftës.