Presidenti i Serbisë, Aleksandar Vuçiç, ka njoftuar se zgjedhjet parlamentare pritet të mbahen më 18 ose 25 tetor, ndërsa data përfundimtare do të përcaktohet brenda pak ditësh. Ky vendim u mor pas presionit të protestave studentore që kërkonin ndryshime politike. Vuçiç theksoi se Partia Përparimtare Serbe do të garojë në një listë, ndërsa forcat e tjera politike do të jenë në lista të ndryshme, duke respektuar të drejtën e pjesëmarrjes së të gjithëve. Ai gjithashtu u zotua se nuk do të përdorë pozitën e presidentit për fushatë partiake dhe se fitorja do të varet nga vota e qytetarëve në ditën e zgjedhjeve.