Presidentja Gordana Siljanovska Davkova, gjatë një ligjërate në Lubjanë, theksoi se Maqedonia ka bërë ndryshime të shumta kushtetuese në rrugën drejt Bashkimit Evropian, përfshirë ato të iniciuara nga Marrëveshja Kornizë dhe Marrëveshja e Prespës, të cilat i konsideron të diskutueshme dhe si një formë inxhinierie kushtetuese. Aktualisht, vendit i kërkohet përsëri të ndryshojë Kushtetutën për të përfshirë komunitetin bullgar, një kusht për nisjen e negociatave të anëtarësimit në BE. Siljanovska Davkova propozoi që ndryshimet kushtetuese të hyjnë në fuqi vetëm pasi të përfundojnë negociatat dhe theksoi se një veto eventual duhet të lidhet me kriteret e Kopenhagenit dhe jo me çështjet e identitetit kombëtar. Ajo gjithashtu kujtoi se pas rënies së Jugosllavisë, Maqedonia dhe Sllovenia u vlerësuan si vende që plotësojnë kushtet për njohje nga Komuniteti Evropian, duke nënvizuar kompleksitetin e situatës aktuale.