Presidenti i Këshillit Evropian, Antonio Costa, gjatë një takimi në Shkup me kryeministrin Hristijan Mickoski, theksoi se miratimi i ndryshimeve kushtetuese është kushti i vetëm për nisjen formale të negociatave të Maqedonisë së Veriut me Bashkimin Evropian. Ai vlerësoi përparimin në zbatimin e reformave dhe nënvizoi rëndësinë e BE-së si partneri kryesor ekonomik dhe tregtar i vendit dhe të gjithë Ballkanit Perëndimor. Costa nxit dialogun konstruktiv me fqinjët dhe ndërmarrjen e hapave pragmatikë për ndërtimin e besimit dhe avancimin e reformave të nevojshme. Nga ana e tij, kryeministri Mickoski konfirmoi përkushtimin e Maqedonisë së Veriut ndaj integrimit evropian, duke theksuar se identiteti kombëtar nuk duhet të jetë pengesë në këtë proces.