Kushtrim Ahmeti është zgjedhur rektor i Universitetit të Tetovës, duke fituar me 198 vota ose 59.46% të totalit, duke lënë pas dy kandidatët e tjerë, Fehari Ramadanin me 118 vota dhe rektorin në detyrë Jusuf Zejneli me 17 vota. Në programin e tij, Ahmeti premton të forcojë universitetin duke e bërë më të hapur, më të organizuar dhe më konkurrues. Ai ka prezantuar një kornizë programore me gjashtë pika kryesore që përfshijnë sigurimin e cilësisë në arsim, kërkimin shkencor, bashkëpunimin ndërkombëtar, mbështetjen e studentëve, digjitalizimin, si dhe menaxhimin e qëndrueshëm dhe angazhimin me komunitetin. Qëllimi i tij është ndërtimi i një universiteti të bazuar në dije dhe përmirësimi i standardit studentor.