Kuvendi miratoi ndryshimet dhe plotësimet në Strategjinë e zhvillimit rajonal për periudhën 2021–2031, duke e përshtatur atë me situatën aktuale demografike dhe zhvillimore në vend. Ministri Zllatko Perinski theksoi se qëllimi i këtyre ndryshimeve është të bëjnë strategjinë më operacionale, funksionale dhe efikase, duke mbështetur zhvillimin policentrik dhe reduktuar pabarazitë rajonale. Strategjia përcakton parimet, qëllimet dhe prioritetet e politikave për zhvillim të balancuar, si dhe masat dhe mekanizmat financiarë për realizimin e tyre. Gjatë periudhës së zbatimit do të kryhet një vlerësim i vazhdueshëm për të përshtatur masat sipas rezultateve dhe sfidave, ndërsa ndryshimet e fundit synojnë të rrisin zbatueshmërinë dhe efikasitetin e strategjisë, duke përfshirë masa të reja në fushat me nevoja shtesë.