Në Maqedoni ka nisur një alarm ekologjik dhe juridik për ligjin e ri që rregullon lëndët minerale, i cili u miratua me nxitim para festave dhe pa debat publik të thellë. Organizata joqeveritare “Lugina e shëndoshë” paralajmëron se ky ligj lejon kompanitë të marrin leje për gërmim edhe para se të zgjidhet çështja e pronësisë së tokës, duke shkelur të drejtën kushtetuese të pronarëve privatë dhe duke krijuar pasiguri juridike. Ata i kanë bërë apel presidentes Gordana Siljanovska Davkova që të mos e nënshkruajë ligjin, duke e quajtur atë një “bombë ekologjike” dhe një precedent të rrezikshëm kushtetues që favorizon interesat e kapitalit privat në dëm të qytetarëve. Në disa qytete si Strumica, Gjevgjelia, Vallandova dhe Prilepi po përgatiten protesta dhe mobilizim kundër ligjit, ndërsa organizata paralajmëron konflikte serioze në terren nëse ligji miratohet përfundimisht.