Nënkryetari i BDI-së, Bujar Osmani, ka shprehur shqetësim të thellë lidhur me miratimin e Ligjit për Përfaqësim të Drejtë dhe Adekuat, duke e cilësuar atë si një nga ditët më të errëta për marrëdhëniet ndëretnike dhe frymën e Marrëveshjes së Ohrit. Ai thekson se ligji përmbys logjikën e përfaqësimit të drejtë, duke kaluar nga një sistem që garanton barazinë në hyrje në një sistem ku drejtuesit e institucioneve zgjedhin fillimisht kandidatët sipas meritokracisë, ndërsa përfaqësimi i drejtë vlerësohet më pas nëpërmjet raporteve vjetore.