Katër djemtë shqiptarë, të ndaluar në Serbi për shkak të një videoje të publikuar në rrjetet sociale ku shfaqeshin me bluzën ‘Shqipëri Etnike’, do të lirohen menjëherë nga gjykata serbe. Ata akuzoheshin për nxitje të urrejtjes kombëtare, racore dhe fetare, pasi në video shfaqeshin duke udhëtuar me një automjet në një autostradë në Serbi. Lajmin e lirimit e bëri të ditur kreu i Grupit Parlamentar të PS, Taulant Balla, përmes një postimi në Facebook. Pas lirimit, katër të rinjtë do të hetohen në gjendje të lirë, ndërsa autoritetet serbe vazhdojnë hetimet për veprën penale që u atribuohen.