Një hulumtim i gazetarëve zviceranë zbulon një rrjet ndërkombëtar të vjedhjes së biçikletave elektrike në Zvicër, ku disa prej tyre përfundojnë në Kosovë. Një biçikletë e vjedhur në Bern u gjurmua me GPS deri në një dyqan në një fshat të vogël pranë Alpeve Shqiptare, ku pronari pranoi se i blen biçikletat nga ndërmjetës pa verifikuar origjinën e tyre. Tregu në Kosovë është në rritje për biçikleta elektrike, por mungesa e përfaqësive zyrtare dhe çmimet më të ulëta krijojnë hapësirë për importin e mallrave të dyshimta, përfshirë ato të vjedhura. Pas raportimit, policia lokale dhe ajo zvicerane filluan hetime të përbashkëta për këtë zinxhir kriminal që përfshin vjedhje, ndërmjetësim dhe rishitje në tregjet e Ballkanit.