Një grup prej rreth 90 personash nga Serbia u ndalua në Aeroportin e Tivatit në Mal të Zi pasi mbërritën me një fluturim çarter nga Beogradi. Autoritetet malazeze dyshojnë për aktivitete subversive dhe "veprim hibrid" të këtij grupi, i cili përfshinte persona me precedentë kriminalë dhe interes për sigurinë kombëtare. Sipas policisë, këta persona kishin për detyrë të siguronin në mënyrë informale qëndrimin e Presidentit serb Aleksandar Vuçiq në Samitin BE-Ballkani Perëndimor që mbahet në Tivat. Pas kontrolleve të detajuara dhe refuzimit për të dhënë shpjegime, autoritetet ndaluan hyrjen e tyre në vend dhe urdhëruan kthimin e menjëhershëm në Beograd me fluturimin e parë. Samiti do të mbledhë liderë të rëndësishëm evropianë dhe rajonalë, ndërsa Mali i Zi po merr masa të ashpra sigurie për të garantuar mbarëvajtjen e tij.