Kryeministri i Malit të Zi, Milojko Spajiq, ka njoftuar përfshirjen e vendit të tij në buxhetin e ardhshëm shtatëvjeçar të Bashkimit Evropian për periudhën 2028–2034, me një shumë prej 3.2 miliardë eurosh. Ky zhvillim tregon se Mali i Zi është i vetmi shtet kandidat që përfshihet në kornizën financiare të BE-së, duke u konsideruar si anëtari i ardhshëm i unionit. Fondet do të përdoren për investime në ekonomi, infrastrukturë, bujqësi, politika sociale dhe komunitete lokale, duke përmirësuar cilësinë e jetës së qytetarëve. Komisioni Evropian ka nisur punën për Traktatin e Anëtarësimit të Malit të Zi, ndërsa kryeministri falenderon edhe Qipron për mbështetjen gjatë kryesimit të Këshillit të BE-së.