Serbia konfirmoi blerjen e raketave balistike supersonike kineze CM-400AKG, duke u bërë vendi i parë në Evropë me këtë armë sulmuese, një veprim që ka shkaktuar shqetësime në rajon. Mali i Zi, përmes zyrës së Presidentit Jakov Millatoviq, bëri thirrje për paqe dhe bashkëpunim, duke theksuar rëndësinë e marrëdhënieve të fqinjësisë së mirë dhe anëtarësimit të tij në NATO si garanci për sigurinë rajonale. Reagime të forta erdhën edhe nga Kosova, Kroacia dhe Bashkimi Evropian, të cilët shprehën shqetësime për tendencat hegjemoniste të Serbisë dhe ndikimin negativ në stabilitetin rajonal. Presidenti serb Aleksandar Vuçiq mohoi planet për sulm dhe akuzoi fqinjët për krijimin e një aleance ushtarake kundër Serbisë, pretendime që u hodhën poshtë nga vendet e përmendura.