Autoritetet e Maqedonisë së Veriut kanë ndaluar importin e dy dërgesave me qumësht UHT nga Kosova, me një peshë totale prej 27.520 kilogramësh, për shkak të pranisë së aflatoksinës mbi normat e lejuara. Këto masa janë marrë në kuadër të një programi monitorimi dhe kontrolli të produkteve ushqimore me origjinë shtazore, me qëllim garantimin e sigurisë dhe cilësisë së produkteve në tregun vendas. Qumështi i ndaluar ishte destinuar për shitje në një zinxhir marketesh në Maqedoninë e Veriut, ndërsa sasia e konsideruar e pasigurt është asgjësuar nën mbikëqyrjen e veterinerit zyrtar. Përforcimi i kontrolleve përfshin analiza laboratorike të detyrueshme dhe verifikim të përputhshmërisë me standardet, duke mbrojtur kështu konsumatorët dhe prodhuesit vendas.