Zëvendëskryeministri i Parë dhe Ministri për Çështje Evropiane, Bekim Sali, përshëndeti debatet në Parlamentin Evropian mbi Raportin për Maqedoninë e Veriut, duke theksuar mesazhet pozitive që vijnë nga eurodeputetët si një konfirmim i fuqishëm i perspektivës evropiane të vendit. Raportuesi Thomas Waitz nënvizoi kapacitetin dhe potencialin e Maqedonisë së Veriut për t'u bërë pjesë e valës së ardhshme të zgjerimit të Bashkimit Evropian, duke inkurajuar institucionet të vazhdojnë me reformat. Sali theksoi përkushtimin e qeverisë për zbatimin e reformave në sundimin e ligjit, administratën publike, zhvillimin ekonomik dhe forcimin e institucioneve demokratike si parakushte për integrimin evropian. Ai gjithashtu nënvizoi rëndësinë e vlerave evropiane, marrëdhënieve të mira fqinjësore dhe dialogut konstruktiv për të avancuar procesin e anëtarësimit të plotë në Bashkimin Evropian.