Ministri Bekim Sali zhvilloi takime me përfaqësues të Komisionit Evropian dhe Grupit të Punës të Këshillit të BE-së në Bruksel, ku diskutuan përparimin e procesit eurointegrues të Maqedonisë së Veriut dhe realizimin e reformave kyçe. Fokus u vu në zbatimin e Agjendës së Reformave, Planin e Rritjes për Ballkanin Perëndimor, sundimin e ligjit, reformat në administratën publike, energjetikën dhe projektet infrastrukturore rajonale. Sali theksoi përkushtimin e institucioneve për avancimin e procesit dhe përmbushjen e standardeve të BE-së, si dhe vlerësoi mbështetjen e vazhdueshme të Bashkimit Evropian dhe rëndësinë e bashkëpunimit rajonal. Kjo vizitë nënvizon angazhimin e Maqedonisë së Veriut për integrim të shpejtë dhe të qëndrueshëm në strukturat evropiane.