Ministri i Drejtësisë së Maqedonisë së Veriut, Jeton Shasivari, zhvilloi një takim me ambasadorin dhe shefin e Delegacionit të Bashkimit Evropian, Mihalis Rokas, ku u diskutua për avancimin e reformave gjyqësore dhe sundimin e ligjit në vend. Qeveria e Maqedonisë së Veriut konfirmoi përkushtimin e saj për zbatimin e rekomandimeve të Komisionit Evropian dhe përmbushjen e detyrimeve nga Agjenda e Reformave dhe Klasteri “Vlerat themelore”. Në takim u vlerësua mbështetja e Bashkimit Evropian përmes projekteve IPA, të cilat synojnë forcimin dhe digjitalizimin e sistemit gjyqësor. Palët ranë dakord për vazhdimin e bashkëpunimit të ngushtë për të siguruar që reformat të avancojnë sipas standardeve evropiane.