Qeveria e Maqedonisë së Veriut dhe Komisionerja Evropiane për Zgjerim, Marta Kos, zhvilluan një takim ku u konfirmua se integrimi në Bashkimin Evropian mbetet prioritet strategjik i vendit. Zv. kryeministri i Parë dhe Ministri për Çështje Evropiane, Bekim Sali, theksoi angazhimin e qeverisë për të përshpejtuar reformat dhe për të mbajtur agjendën evropiane në qendër të veprimeve institucionale. VLEN thekson se procesi i integrimit kërkon përkushtim të vazhdueshëm, vendimmarrje të përgjegjshme dhe zbatim të reformave që do të përmirësojnë jetën e qytetarëve përmes institucioneve më efikase dhe ekonomisë më të zhvilluar. Bashkëpunimi me Komisionin Evropian do të vazhdojë të forcohet, ndërsa institucionet do të punojnë për realizimin e reformave dhe shfrytëzimin maksimal të mundësive që ofron Plani i Rritjes, duke ecur me hapa të sigurt drejt anëtarësimit të plotë në BE.