Ministria e Punëve të Brendshme e Maqedonisë së Veriut ka lansuar aplikacionin mobil “Qytet i Sigurt”, i cili në fazën e parë u dedikohet drejtuesve të automjeteve me targa të huaja. Ky aplikacion u mundëson përdoruesve të marrin informacion për kundërvajtjet në trafik, të kenë qasje në urdhërpagesat dhe të kryejnë pagesën e gjobave në mënyrë elektronike, duke shmangur ndalimet apo vonesat në pikat kufitare.