Ministrja e Energjisë së Maqedonisë, Sanja Bozhinovska, ka deklaruar se furnizimi me karburante në vend është i qëndrueshëm pavarësisht rritjes globale të çmimeve të naftës. Kompanitë kanë siguruar rezervat operative ligjore për të paktën pesë ditë, ndërsa rezervat shtetërore mbulojnë nevojat për rreth 62 ditë, duke garantuar stabilitetin e furnizimit për qytetarët dhe ekonominë. Inspektorët e tregut kanë kryer mbi 300 kontrolle dhe kanë konfirmuar respektimin e rregulloreve nga të gjithë tregtarët. Në rast të vazhdimit të presioneve globale të çmimeve, qeveria është e gatshme të përdorë mekanizma si uljen e akcizave dhe TVSH-së për të mbrojtur standardin e jetesës së qytetarëve, ndërsa çmimet e karburanteve përcaktohen nga KRRE-ja me ndryshime javore për të stabilizuar tregun.