Maqedonia e Veriut disponon rezerva shtetërore të naftës që mund të mbulojnë nevojat e vendit për 60 ditë. Pjesa më e madhe e këtyre rezervave ruhen në depot e katër kompanive private: Okta, Makpetrol, Lukoil dhe Supertrade, ndërsa një pjesë më e vogël ndodhet në rezervuarë shtetërorë. Kompanitë kanë detyrim ligjor që në çdo moment t’i vënë derivatet në dispozicion të shtetit në rast se Qeveria vendos të ndërhyjë në treg. Agjencia për Rezervat e Detyrueshme të Naftës bashkëpunon me Inspektoratin Shtetëror të Tregut për të kontrolluar sasinë e rezervave deri në litër, duke marrë mostra dhe verifikuar nëse ato janë të plota dhe të gatshme për përdorim.