Ministria e Transportit e Maqedonisë ka deklaruar se po punon intensivisht për të ndihmuar transportuesit e vendit në përballjen me sfidat që lidhen me zonën Shengen. Për të zgjidhur problemin e lëshimit të vizave, Ministria po nënshkruan marrëveshje dypalëshe me vende anëtare, duke përfshirë Zvicrën, Kroacinë dhe Rumaninë, ndërsa janë në proces bisedimet me Austrinë, Gjermaninë dhe Slloveninë. Qëllimi është që transportuesit të marrin viza afatgjata për të lehtësuar qarkullimin në rrugët ku ata operojnë më së shumti. Ministria thekson se industria e transportit është një shtyllë e rëndësishme e ekonomisë dhe se do të vazhdojë të punojë për zgjidhje që mbështesin këtë sektor.