Kryeministri Hristijan Mickoski ka komentuar raportin e fundit të Eurostatit, duke theksuar se Maqedonia është përpara të gjitha vendeve të rajonit për nga fuqia blerëse e qytetarëve. Ai ka kundërshtuar akuzat e opozitës dhe disa mediave, duke i cilësuar si fushatë sipërfaqësore dhe të bazuara në gënjeshtra. Mickoski ka theksuar se krahasuar me tre-katër vitet e fundit, ka pasur përparim të dukshëm, megjithatë ai pranon se kjo nuk është ende e mjaftueshme. Kryeministri ka premtuar se Qeveria do të vazhdojë të punojë me përkushtim për të përmirësuar standardin e jetesës dhe zhvillimin e vendit.