Kryeministri i Maqedonisë së Veriut, Hristijan Mickoski, deklaroi se vendi ka arritur të marrë më shumë fonde nga Bashkimi Evropian për agjendën reformuese sesa çdo shtet tjetër në rajon. Ai kritikoi opozitën për qëndrime të ndryshme dhe përgënjeshtrim të vetvetes, duke theksuar se suksesi i qeverisë është i dukshëm në raportet e fundit dhe në mbështetjen financiare që po rritet vazhdimisht. Mickoski theksoi se pavarësisht sfidave globale dhe sulmeve politike, ekonomia maqedonase po shënon rritje të qëndrueshme dhe vendi po korr sukses në përmbushjen e reformave. Ai paralajmëroi se përpjekjet për të penguar qeverinë do të dështojnë dhe se opozita do të mbetet në të kaluarën politike.