Bogdanka Kuzeska, zëdhënëse e LSDM-së, theksoi rëndësinë e momentit aktual për Maqedoninë në procesin e zgjerimit të Bashkimit Evropian. Ajo paralajmëroi se vendet e tjera në rajon, si Mali i Zi dhe Shqipëria, po bëjnë përparime serioze, ndërsa Maqedonia rrezikon të mbetet jashtë dhe të bëhet "apendiksi i Ballkanit". Kuzeska nënvizoi se humbja e këtij shansi do të thotë mbyllje të dyerve për dekada, mungesë qasjeje në fondet evropiane dhe përkeqësim të standardit të jetesës, sidomos për brezat e rinj. Për këtë arsye, LSDM i ka bërë apel kryeministrit të gjejë gjuhë të përbashkët për çështjet strategjike që lidhen me integrimin në BE.